A aldea de Veigas de Camba desapareceu no 1974 anegada polo embalse das Portas, os últimos veciños abandonárona en febreiro dese ano.



Quero recordar ó noso pobo, ós seus homes e mulleres que traballaron a terra, ós que plantaron pinos no Invernadeiro, ós que traballaron no ferrocarril, ós que tiveron que emigrar... e pídovos axuda.



Se tedes fotos de Camba, agradecería moito que mas enviásedes ó correo veigasdecamba@yahoo.com .

Se alguén sae nunha foto e non quere só ten que me avisar.



10/11/09

Os carros

Catuxa.

Eu non entendo de carros...nin de vacas. Contoume meu tío Fermín que en Camba xunguíase á cabeza, as cintas atábanse ó redor dos cornos e as vacas facían forza coa cabeza. A molida (acolchada) baixáballes á cabeza.

Para baixar unha costa pronunciada cun carro moi cargado as dúas mellores vacas xunguíanse diante, levantaban a cabeza e facían que o carro baixara máis lentamente. Un pau chamado tamoncela, noutros sitios chamábanlle tirantaine, ía do carro o xugo da parella de vacas de atrás, vacas que se dirixían para axudar a frear, os cuños apertábanse contra o eixe para que rodase despacio...

Os colares das esquilas gardábanse para o brao porque no inverno as vacas traballaban muto menos e arrimábanse máis ás arbores. As esquilas eran máis luxosas, máis adornadas, máis finas. Os chocallos eran máis grandes, púñanllos no inverno. As vacas de Catuxa teñen esquilas.

Era así?

No hay comentarios:

Publicar un comentario